بقلم الشاعر
أيمن عمر
وحوى يا وحوى يا فلسطين
ام بتبكى وطفل حزين
وحوى يا وحوى وقلبى بيحوى
جرح القدس بقاله سنين
وحوى يا وحوى فانوس الدرة
اشتراهوله جده ياسين
قتلوا الدرة وكسروا فانوسه
قتلوا ياسين لكسر نفوذه
ولسة كمان الدور على مين
وحوى يا وحوى يا فلسطين
*****
واحنا هنا.. وهناك نايمين
نصحى ونسأل قتلوا مين
قتلوا فلان وفلان وفلان
وجرحوا كمان ناس تانيين
نشجب نستنكر وندين
وبسرعة ونقوم ناسيين
نكلوا ياميش وزبيب على تين
وسط عيالنا ادينا قاعدين
و… وحوى يا وحو يا فلسطين
بقلم الشاعر
أيمن عمر
