بقلم الشاعر الثائر
طه متولى رضوان
اوعاك في يوم يابني تفكر
إن ده صاحب رسالة
و أنه بيحارب الفساد
كل العمايل دي اشتغالة
و الحقيقة شمس واضحة
تبقى مش عايزة القوالة
من زمان و الكل عارف
إن محلب ده خسيس
و الطقم كله برمته
إن كان وزير و للا رئيس
إن كان حسين و للا ساويرس
و اللي زيه فريد خميس
و أبو العنين و للا ابن بهجت
و للا حبيب و علي ونيس
طب قبلوا ليه عز السفينة
و باتوا عنده ليلة خميس ؟
طب سابوا ليه الكل ينهب
و فجأة عملو مفتحين ؟
و الفساد مظهرش فجأة
و للا كانوا معرصين
اللي محصن نفسه برة
و اللي عايز مليارات
و قناة سويس قالوا جديدة
و رجعوا قالوا مفيش و هات
و عقد عاصمتنا الجديدة
و الأرض نهبتها إمارات
و النهب شغال من فلوسنا
و الشعب بيموت من سكات
فعايزني أصدق إن دي
تبقى استقالة ؟
لو يوم قالولك
أن دي حرب الفساد
قول استحالة
==============
الشاعر طه رضوان
السبت 12 سبتمبر 2015 م
