بقلم الشاعر الثائر
طه متولى رضوان
==========
بيع يا سيسي كل أرضك
أصل شعبك كله نايم
***
اللي ييجي جنب منه
يلقاه وسط البحر عايم
***
و اللي مش عاجبه كلامي
في الخيال عايش و هايم
بيع في سينا و بيع تيران
و معاها صنافير كمان
***
بوست ايد الكلب قبله
بوس في …. خلفه كمان
***
و ادي نهر النيل هديّة
و بيع حلايب للسودان
***
ادي غازنا لإسرائيل
بيع لقبرص و اليونان
***
بيع لروسيا بقلب جامد
و اوعى تنسى الأمريكان
***
بيع يا سيسي وراك حميرك
ميشوفوش في الدنيا غيرك
***
كل ما تبيع سقفولك
و يقولوا لك فين ضميرك
***
لسة حتة مبعتهاش
بيعها يللا انت ووزيرك
***
لو تدوسهم. بالبيادة
هيقولولك بعض خيرك
***
بيع حديدنا في الواحات
بيع شرفنا من سكات
***
بيع و خلي الكل يفرح
بيع صراخ. الأمهات
***
بيع و برضو الكل ساكت
لو تبيع الأهرامات
***
بس خليك برضو فاكر
إن ربك وحده دايم
***
و ان شعبك مهما يسكت
بكرة هيثور كله قايم
***
أما لو رضيوا ببيادتك
تبقى مبروك ع البهايم
***
================
الشاعر أبو خالد طه رضوان
الأحد 10 إبريل 2016 م
زر الذهاب إلى الأعلى