تفويض تاني ؟”
بقلم شاعر الأمة العربية
ياللي مكفكش الدم السايل في الشوارع وف الميادين
لساك عايز تفويض تاني قولي بيه راح هتقتل مين
شوف كام ألف اتقتلو وشوف كام ألف من المساجين
شغال تقتل في الثوار ولا حتى رحمت الساكتين
لساك عايز تدبح ولدي ووأهلي وناسي بالسكاكين
لساك عايز ترضي أمريكا وتقدم ليها القرابين
ولا بترضى صهاينه وهما لسه مش راضيين
لساك حارق رابعه وقاتل جواها الساجدين
لساك حارم طفل من أمو وناسو ولسه حزين
لساك ساجن طاهره وحره ولسه هناك جوه الزنازين
لساك قاتل شيخ بيصلي وقلبوا بيدعي على الظالمين
فوض واقتل فينا ودبح واياك تعدم بالملايين
احنا حلفنا برب الكعبه مش راح نسكت ولا هنلين
مصر بلدنا ومش هنسيبها وهنعليها دنيا ودين
