من روائع الشاعرة
بنت الأكرمين
خمس سنين على كارثة يونيه
خمس سنين في مصر التانية
مصر الأم صارت غانية
بخيلة علينا كريمة لغيرنا
مصر اتباعت في سهرة يونية
واحنا صرنا مستأجرين
ندفع مية وغاز و دواء بنزين
جرالكم ايه يا مصريين؟؟؟!!!
دمكوا مية ولا كوكايين؟؟!!
نايمين ولا واعيين؟؟؟
شايفين ولا معميين؟؟؟
ولا يمكن تكونوا خايفين!!!
خايفين من بلاد الرافدين
قلتوا نعيش مغميين
ودن طين والتانية عجين
أصل ده طبع المصريين
ياما قتلونا واستباحونا
وتاريخنا مليان هوان
مفاتيح بيتنا مع السجان
يوم ورا يوم يختار منا
واحد يرميه للغربان
غربان سودا بشارة وخوذة
متعتها نهش الفرسان
فرسان بيضاء قلوبها وحيدة
ما بتحملش غير القرآن
جيل ورا جيل بتجاهد لينا
وأحنا أختارنا نكون أنعام
#بنت_الأكرمين
