بقلم المحلل السياسى
رضا ابو سعيد
.. دكتور سيف عبد الفتاح
أين رجالك القصار ليتقدموا المسيره ؟ …. الطوال إتقتلوا واتحبسوا وتعبوا
وماعندهمش مانع يرجعوا ورا
بس بشرط يكون في قصيرين زي ماوعدتنا . وبشرط إن القصير مايوطيش
ساعة ضرب النار و مايزوغش وقت الإعتقال ….. إنجزنا يادكتور وابعتهم !!
.. دكتور محسوب وحزب الوسط
أين مظلتكم الواسعه العامره الشامله ؟ .مظلة الإخوان خرموها بالرصاص
وحرقوها وانتوا قاعدين متفرجين
ياريت كفايه كلام وتنظير ونستعجل مستورد المظله ١٤ شهر كتير دي لو
مستوردينها من الصين علي توك توك كان زمانها وصلت من سنه !
.. دكتور أيمن نور
يا عم موافقين إن بتوع روح ٢٥يناير إللي همه بتوع روح أم٣٠يونيه شركاء
الخيانه والإنقلاب
زي ٦ أبريل والإشتراكيين وإئتلافات الثوره إللي شايف مفيش نجاح للثوره
من غيرهم .. موافقين إنهم يشاركوا من غير توبه ولا اعتذار ؟؟
بس لو رجاله ينزلوا .. ده لو ؟
.. دكتور عاصم عبد الماجد ( إشمعني هوه مايبقاش دكتور ) .. والجماعه
الإسلاميه
إعتبر إن الإخوان مش هايقدموا كشف حساب … وإنهم فشلوا في قيادة
الثوره .. وإنهم دعاه علي أبواب جهنم ! (مفيش مشكله )
توكل علي الله وإبعت رجالة الجماعه خليهم يخلصوا ويعرفوا الإخوان أصول
القياده ….. فين الرجاله يافرج ؟
.. دكتور خالد سعيد والجبهه السلفيه
كلامك عين العقل: الثوره في مرحلة الخريف واليأس وده كلام بنيته علي
أساس إن العدد قل !
ودي رؤيتك كصاحب مرجعيه إسلاميه تمثل الجبهه السلفيه .. أن مقياس
إنتصار الحق هو العدد !! وليس معية الله مع الثبات والصبر
لكن بالنسبه للثوره الإسلاميه ….. إللي أعلنت عنها الجبهه السلفيه من
١١شهر كبديل لثورة الإخوان الواهنه السلميه أخبارها إيه ؟
جاهزين ومستعدين يعني نقول توكلنا علي الله ولامحتاجين سنتين كمان
.. تصوروا أن
هؤلاء هم من يسمونهم معسكر دعم الشرعيه ورفض الإنقلاب . الموالين
للإخوان المسلمين ؟
وأنك إن وجهت لأحدهم كلمة نقد … يطلعلك قرد مش فاهم حاجه يقولك
عيب ومايصحش واتقي الله ولا داعي لتخوين الشرفاء …. وإحمد ربنا إنهم
واقفين معاكم في الظروف دي ؟؟
ومعاكم دي .. تعود علي الإخوان علي أساس أنهم ثاروا ….. وقدموا آلاف
الشهداء وعشرات الآلاف من الأسري
من أجل استرداد قطعة أرض علي النيل التي يمتلكها الدكتور محمد بديع
ويشاركه فيها الدكتور مرسي والتي إغتصبتها سلطة الإنقلاب !!
وليس
من أجل هوية الوطن وشريعته وحريته وكرامة وحقوق كل أبناءه المغتصبه
.. من وجهة نظري
أنه علي الإخوان أن يتقدموا بالشكر والتقدير .. لكل هؤلاء الثوار الأشاوس
السابق ذكرهم علي ما قدموه لهم من دعم غير مسبوق !!
وأن يدعوا كل المنتمين لهم لكي يؤدوا صلاة شكر لله … أن وهبهم أمثال
هؤلاء الشركاء النبلاء !!
.. ونصيحه للإخوان
لا تلتفتوا كثيرا لهؤلاء أو لغيرهم فهذا هو طريق دعوتكم الذي بايعتم علي
الموت من أجله .. طريق الحق
وسواء أدركتم النصر أو نلتم الشهاده أووقعتم في الأسر فقد حققتم النصر
بثباتكم وصمودكم .
.
…
