بقلم الشاعر
جمال المناخلي
طب
ليه أتغير لون الشمس
وليه اليوم مش زي الأمس
ليه أحلامنا بقت كوابيس
نغفل خلسة لكن ماننمش
وليه الهمسة بقت مكتومة
والحلم ضباب من غير الصورة
والقلب ماتت فيه الفرحة
وبتطلع منه الدقة خصومة
وليه الحزن تماللي مالينا
وليه الخطوة تماللي تقيلة
ولما نلاقي عمرنا فات
بنبكي ليالي عليه وعلينا
وليه الضحكة عشان نسرقها
بنوفيها دموع اضعاف
واما تهل الفرحة علينا
قلوبنا تكش عشان بنخاف
