بقلم الشاعر
محمد ابو علم
ـــــــــــــــــــــــــــــ
أيه ياعبلة … أنتى نايمه ولا أيه ؟
أيه ياعبلة… أنتى شايفة ده وليه ؟
أيه ياعبلة…أنتى عايشة ولا أيه ؟
أيه ياعبلة …أنتى ساكتة وراضية ليه ؟
أنتى راضيه بالحياة
هو أنتى مريضة ليه
أيه ياعبلة
***
هو فين السيف ياعبلة
اترهن ولمين ياعبلة
لعمى سام
لسة برضة الكحل موجود جوه عينك
ولا سرقه العم سام
دا أنتى حلوة بدون ودون
أيه ياعبلة
***
هو سيف الحب صدى
ولا مرهون عند سام
فين هدومك … ياللى كنتى أحلى مرآة
فين غوايشك
هو عنتر خدها منك
راح رهنها لعمى سام
عيب ياعبلة
***
فين حصانك لأحمارك
هو لسه رئيس قبيلة
ولا مربوط بالجام
عيب ياعبلة
***
كنتى زارعة النخل عالى
أيه الحكاية … طرحه راح
ولا سرقة الشرطجية
عيب ياعبلة
***
هو علمك لونه أحمر ولا أسود ولا أيه
هو علمك هو كفنك ؟
ولا أنتى مسحتى بيه
طب ياعبلة مسحتى أية
دم شعبك دم أهلك
عيب ياعبلة
***
طب ياعبلة
فين كرامتك ؟
الشيوخ كذبوا وقالوا أحنا للدين الحماة
من أراضى القدس هبوا
ضربوا بالطوب الطغاة
أين سيف الحق أين
فى جيوب العاهرات
عيب ياعبلة
***
دة حبيب القلب سابك
واقفة وحدك للطغاة
مين طغاة اليوم ياعبلة
هما حكام البلاد
ليه ياعبلة الحق نادى
مين هايحمى العباد
الكرامة كفنوها … والشرف تحت التراب
عيب ياعبلة الحق واضح
بس أحنا الكلاب
***
هو عنتر غير أسمه
ولا فى السجن أستباح
هو فين السيف ياعبلة
لسه برضة عند سام
هو ليه عنتر بيكذب
هو جاب النوق ياعبلة
ولا برضة عند سام
***
عمى سام … عمى سام
هى كل الدنيا ملك لعمى سام
لأ ياعبلة
أنتى برضة لسة عايشه
طب سلام الله عليكى
أنتى أرض الطيبين
***
هو سام أبن عمك
ولا دمه زى دمك
هو أصله من اليهود
دى اليهود أللى قلت ولد عمك
وأللى هتك حتى عرضك
وأللى سرقت أحلى أرضك
وأنتى عايشة وأنتى شايفة وأنتى راضية
عيب ياعبلة
ـــــــــــــــــــــــــــــــــــــــــــــــ
