بقلم الشاعر الثائر
أحمد الجن
كلما إظلمت الدنيا..بزغ نور الفجر ?
***
إظلم كمان يمكن أصحى واتوب !!
واعرف كمان الصح م المعطوب !
وأفهم بإن الظلم مش مكتوب..
وإن اللي حاصل في البلد ملعوب !!
وإن البلد دي ماشيه بالمقلوب !!
***.
إظلم كمان ما أنا اللي أستاهل..
ما أنا اللي سبت الدفه لكل جاهل !
مقدرتش أنطق وخفت من هلافيت
وسبت أخويه يتقتل ويموت..
ورضيت بالظلم علشان خايف م الموت !
مع ان موتي ده قدر مكتوب !!
***
إظلم كمان..يمكن أفوق وأصحى..
خلي لنا الصوره تظهر تبان واضحه !
إظلم كمان..يمكن أبطل خووف !
يمكن أفتتح من تاني وارجع اشوف !!
***
إظلم كمان علشان أعود إنسان..
إظلم كمان علشان مايبقاش في البلد أي جبان !
إظلم كمان يمكن أثور واخرج واقول لك غور !!
.
واشوف شعاع النور جاي للبلد يسعى..
إظلم كمان علشان يبان كل اللي خان !!
ومين لجل البلد ضحى..
***
إظلم كمان واملى البلد غربان !!
إظلم كمان علشان أثور تاني..
يمكن بظلمك ألاقي عنواني..
ما أفضلشي تايه وألف في مكاني !
وأصرخ وأبطل أنظلم في سكوت !!
…………………………………
شاعر حلمنتيشي
أحمد_خليل_الجن
