الأرشيفتقارير وملفات إضافية

محاولة بائسة

من روائع الشاعر
طه متولى رضوان
في يوم سخنت وقلت هخس
و وزني لازم يبقى النص
روحت اشتريت كوتشي رياضة
و تيشيرت موضة لزوم اللبس
و قلت م الأكل هخفف
وبلاها محشي وشوربة عدس
و لا أكل رز و نشويات
ولا بيك مسحب ومعاه بيبس
و لبست و جريت ع الممشى
لفيت لي لفة كمان بالعكس
بنهج و مش قادر أجري
ويعدي ميدو و عمرو وعبس
جوالي رن و قلت ده مين
فلقيته زيزو حبيبي و بس
و قال لي اسمعني يا طه
هات لنا عيش بتلاتة و خمس
و رجعت جري على الشقة
مفيش كلام ولا صوت ولا حس
بصيت لقيت سلطة و بصلة
وفول حراتي و جبنة و خس
و لقيتني نازل ع السفرة
ولا حد سامعه بيقول هس
ونسيت ريجيمي و خسساني
و الأكل في البطن بيترص
و نزلت هات حتتك بتتك
ومليت بأكلي ده معدة و نص
وشربت شاي و حبست كمان
حتة كنافة تيجي كيلو ونص
لفيت لقيتهم هيموتوا
م الضحك كان كله هيفطس
رديت بضحك و قلت خلاص
من بكرة هبدأ تاني و أخس
من يومها وأنا على هذا الحال
و وزني بقا ييجي طن و نص
طه رضوان

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى