رئيس منظمة “إعلاميون حول العالم” لمنطقة الخليج العربى
المهندس عبد السلام إبراهيم
محمد فوزى باكوس هو شاب مصرى لا نعرف عنه غير اسمه و الفيديو الذى قام بعرضه على الفيس بوك و الذى ينضم إلى قائمة فيديوهات النقد السياسى التى تدل على مدى الوعى السياسى لدى المواطن المصرى الذى يستطيع أن يستخدم النقد الواعى بطريقة ساخرة . .
محمد فوزى باكوس فى هذا الفيديو يسخر من الوضع السياسى السابق الذى كانت تعيشه مصر فى الفترة الماضية و تبعاته على الفترة القادمة من خلال عرضه لمرشح لرئاسة الجمهورية و برنامجه الأنتخابى و يستخدم فى حواره التورية اللاذعة لنقد واقع حال كثير من المصريين ذوى الأحلام البسيطة التى قد لا يشعر بها مرشحى رئاسة الجمهورية و يظهر كيف أن أحلام المواطن المصرى بسيطة جدا لا تزيد عن حياة كريمة و دخل ثابت و كأنه يذكرنى بالنكتة التى تحدثت عن أمريكى يسأل مصرى ما أحلامك فرد عليه المصرى أحلم بأن أعمل بوظيفة ثابتة و أن أحصل علي شقة بأيجار مناسب و أن أمتلك تكاليف زواجى فرد عليه الأمريكى أنا أسئلك عن أحلامك لا عن حقوقك .
محمد فوزى باكوس يلخص فى نهاية الفيديو رسالته فى قصيدة شعرية بالعامية المصرية هى من أجمل ما سمعت فى الأيام الأخيرة من تجسيد لاذع لما يحتاجه المواطن المصرى الفقير دون أن يشعر به أحد و كلمات القصيدة هى :
الحمد لله مستورة
و ماشية بس مقطورة
و الأعمى شايف الصورة
و الكل بيدفع فى فاتورة
للى نهب و اللى أرتشى
و اللى للأسرار فشى
و سابنى ابات من غير عشا
و قالى مات اللى أختشا
صبحت فاصل من فيشا
و شاطر ألعن العيشا
و اللى على راسهم ريشة
خلعوا البرقع و البيشة
بفساد يكسر الهمة
و خيل بيجرى فى الذمة
و مجلس لابس العمة
جيتو لطموحه نكون رمة
فالتطوير بقى وش جير
و التنمية رصف و تشجير
و الطب حنا و زيت جرجير
و اليافطة بيع و مفيش تأجير
بيع لدواعى السفر
بعد أنشطار للى كفر
دول معروفين بالنفر
بس معاهم شيخ غفر
و طالبين تعيين سجانين
و ترزى و طباخ و عجانين
و رؤساء تحرير للجرانين
يضحوا بالأم لأجل الجنين
و لو أنتى شاطرة و الأولى
طب ليه ايديكى مغلولة
و فاضية و عاملة مشغولة
صبحتى امنا الغولة
تابعتى الناس الكسيبة
الرقصات و اللعيبة
و رجال الأعمال حبيبة
شياطين بسبحة و زبيبة
أدونى حزن من غير كرب
حبة شتيمة شبعت ضرب
لو نص كفتة و ربع طرب
أنا أروح فداكم بس فى حرب
عالأقل اموت شهيد
زهقت من ظلم العبيد
من غير لا خبط و لا تأبيد
ما ترشونا بأى مبيد
هى السياسة أعلانات
كلمونا بلاش رنات
مش عايزين تكسبوا حسنات
معندكوش أخوات بنات
سرقتوا منى المحفضة
و جيوبى فاضية منفضة
لو زعلانين من الفضفضة
يبقى انتوا خرج من الفضا
[youtube url=”http://www.youtube.com/watch?v=ntZgI-c-rkk”]
