مفيش أحلى من الحرية

بقلم الأستاذة الشاعرة

بنت الأكرمين

بن

قالوا مالها البت ديه
مال حالها مايل وملويه
ولاعيش بتخبز ولا بقره بتحلب
وحتى الغيط ماعدتش ليه تهوب
ومرضانه ودبلانه
تكونش البت عشقانه
ولا عينيها على طول شارده
وتكلمها اكنك بتكلم واحده شاربه
ناظراك بس مش شايفاك
سامعاك بس مش فاهماك
ايه اللي جرالك ياللي كنتي ست زمانك؟؟؟
دورنا بيها على أطبه الشرق والغرب
وقالوا دا دواها مش عندنا اسألوا الرب
والآخر واحد دلنا على شيخ قال دا سره باتع وشريف
وكله بالقرآن مالوش في الدجل والتخاريف
قال بسم الله ارقيكي من كل داء يؤذيكي
خبريني يابنتي ايش فيكي؟؟؟؟
فتحت عنيها وقالت انا لابسني جني
من ستين سنة ومتحكم فيني
قال ايش اسمه ؟؟ جالتله بيجولوا عليه سكر
قال مسلم ولا كافر ؟؟؟ جالت بيقولوا عليه قادر
قال وانت ايش قولك اطلعه ولا اسيبه للآخر
قالت وتخرجه ليه اذا كان بيحميني من الماضي والحاضر
سيبه يمكن لو خرج ماقدرش أجيب ساتر
قال الساتر ربنا قولي معايا بسم القادر القاهر
اخرج من جسمي يافاجر
قالت وقالت وفجأه اتنفضت وقامت
قامت صبية خدودها وردية وعيونها عسليه
خدت نفس طويييييييييل وقالت مافيش أحلى مالحرية