يامصرى ياللى عايش ف الوطن
اصحي ثواني وفوق
دا الامر اصبح فتن
والحق مات مشنوق
دا السيسى حانث اليمين
خائن عميل وخسيس
قوم يا مصرى قول كلمتك
دى عصابة سرقت ثورتك
خلّي التاريخ يسمع
متخفش من ظلمهم
ظلم السكوت أبشع
لو مش ف إيدك سلاح
دم الشهيد مدفع
اضرب بصوتك رصاص
خلّى السيسى والطرطور يركع
الصورة صورة زعيم
شهم وبطل مجدع
والأصل ندل وعميل
بيخونّا وبيخدع
يقطف زهور الربيع
ويعادي مين يزرع
يا شعب قول كلمتك
خلي التاريخ يسمع
الشعب بطّل خلاص
للظلم يوم يخضع
والسيسى لو حسك جبان
هيزيد نباحه ويمضغك زي اللبان
اثبت مكانك يابطل خليك شجاع
ليه سيبت بيتك يتسرق والحق ضاع
كل الكلاب أصبحت سعرانه وبتنبح
حالفين يمين انهم مش هيسيبوك تنجح
خايفين لتبني أمل بالعدل والقوة
ويلاقوا من مكرهم ملهمش فيه مطرح
مدام سلمنا أرواحنا
لخاين بالرخيص باعنا
ولما عطشنا خلانا
شربنا الذل وشبعنا
متخفش من حبة رعاع
لابسين قناع
كل العساكر دول ورق
واقفين بيحموا اللي سرق
روح قولهم فرعون غرق
والسحر باطل والقناع الزور وقع
للخلف در يا عسكري
كفاية خوف م المفتري
وسع طريق
سيب الجرئ
وبلاش تعطل سكته
لو كنت راجل سكته
الشعب ادى صوته للأمين
في معركة يوم الانتخاب
ومتخفش من نبح الكلاب
سمير يوسف
