بقلم الشاعرة
بنت الأكرمين
بيقولوا اني بنفخ في قربة مقطوعة
وان كلمتي مش مسموعة
وان عمري راح على ناس عقولها من الخدمة مرفوعة
وقلوبها بالدنيا مولوعه
وأرض الخيانة فيها مزروعة
وان الجبار بحاشيته و جذوره وفروعه
اتعود أن بكده يخلي الناس طوعه
وكل ما يحرق قلوبهم يقيدوله شموعه
الناس اللي خايفه عليهم صاروا ضلوعه
الشعب خايف من جوعه على جوعه
وموهوم بالكباري والمدن بيداري بيها خنوعه
طيب و اللي هدم بيوته وخطف عياله وقطع زروعه
مين يمسح دموعه
يا شعب يا هامل سيوفه و دروعه
هما دول اللي حيرجعوله كرامته ويقيدوا من تاني شموعه
