بقلم الشاعر الثائر
طه متولى رضوان
===========
يا حبيبتي ليه
سايقة الدلال
وللا عشان
شمسك جميلة منورة
وجبينك الصافي
يزلزل في الجبال
وإديك لمسة حنينة
وأنت الجمال
وعيونك الحلوة وطن
ورموشك السودة
ستاير عشق
تحميها
وتأسر ألف عاشق
لو يقول
حبك محال
والشّعر أحلى من الخيال
وجدايلك السارحة
عيون الشّعر
في زمن ارتجال
نفسي أحضنك
وأقطف خدودك
وأخطفك
وأحضن شفايفك
وأسألك مليون سؤال
بس انت رافضة تسمعي
ومصممة لِيه تركعي
ولقلبي دايما توجعي
نفس أحضنك
بس انت مشغولة
بجاحد
شغلته نصب احتيال
وانت اللي راضية
بقصته
أعمل لك إيه
والحل إيه
معييش رصاص
وامتة يكون وقت الخلاص
ولا عندي بدلة
وكاب ولا حتة باريه
و مات الرجال
خايف أجيب سيفي وأجيك
آجي أضربه
أغلط وتيجي الضربة فيك
فوقفت ساكت
والسبب خوفي عليك
أنا أصلي واهب
دنيتي وحياتي ليك
بس أنت راضية مسلّمة
لذل السؤال
والنسر عمال ينهشك
ومفيش مجال
+++++
طه رضوان
