اغمس صباعك فى دمى و صوت
اغمس صباعك فى دمى و صوت
بقلم الكاتب الشاعر
مهندس/عبد السلام جابر ابراهيم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أغمس صباعك فى دمى لأجل ما تصوت …………………… و امى تصوت على دمى.
اغمس صباعك و عللى الخسيس………………… و خللى كل جبان يرقص على دمى.
دمى اللى سال على الارض قدمته مهرا … …………….لأجل ما يجئ و ينجلى فجري.
فجر لاح شايفه و انا بدفع مهره دمى ……………. لأجل ما يجئ و يقشع همك وهمى.
لكن يا خسارة الارض اللى ارتوت بيه……….. خلوها بست و داسوها و رقصوا عليه.
اغمس صباعك فى دمى و املا الصناديق….هى فارقه ما احنا كمان مشينا فى صناديق.
و ذقون لكن عيره و بفقه وارد ابو حصيره … فتت فى دمى الفتة و طلعت فتوى تقيله.
ذقون وارد ولاد سعود و زايد ………………………علفوها لأجل الظلم ما يبقى سايد.
وافتكر صباعك فى كل تشهد …………………………..وان نسيت بدمى هوه هيشهد.
قسما ليبقى نقمه عليك………………………ولا هتشوف الحق و تشاور عليه بأيديك.
يا خسارتك
ولا ها اقولها لدمى يا خسارة اصل دمى عند ربى له ميزانه…… مش صندوق شطارة.
دمى اللى اندفع هتيجي أجيال طالعه…………………….. و تشهد و تشاور عليه بصوابع طاهرة.
اركن و انتخ , و على الكنبه فرشح ……………و على ضميرك غطى الملاية و امرح.
امرح فى دنيا هتدوق فيها الامرين و يتسلط عليك الزمن وعلى ظهرك بأصوات وانين.
اصوات من ذل و بؤس و كرب شديد ……ما هو انت البادئ بالصوت و نسيت الشهيد.
قسما قسما دمى الى غمست و رقصت عليه ليكون عليك لعن وادفع التمن من غير ليه.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ