بقلم الشاعر
جمال المناخلى
أنا مصري
ولو كمموا صوتي يوم واتخرست
أو زادوا العقارب فيكي واتقرصت
بحبك يا زينة البلاد والكون
لا عمري زعلت منك ولا حتي اتقمصت
<><><><><>
وأنا مصري
حبيت الطمي في نيلك
ومهما الغربة خادتني
حلمي إني آجيلك
ولو ف يوم ماقدرتش
قلبي وعمري أهديلك
<><><><><>
وأنا مصري
بأقولها في النهار والليل
بحبك
ولو شوفت ف هواكي الويل
وانام وأصحي علي صورتك
وشايلك جوه نن العين
<><><><><><>
وأنا مصري
مكتوب أسمك علي جبيني
ويرضيني
أكون عطشان
ونيلك بس يرويني
ولما اتعب من الترحال
بيكفيني
أبوح ليكي واتنهد … ألاقيكي
تضميني
