رثاء للشيخ عصام دربالة كحوارية معارضة
رثاء للشيخ عصام دربالة كحوارية معارضة لما كتب في رثاء صدام حسين فأجبته لطلبه لمكانته مني :
بقلم شاعر الأمة العربية
سلطان ابراهيم عبد الرحيم
قالوا له: أرجع وكفايه ياعصام الدين
قال لهم :والله ما هارجع عن نصر الدين
قالوا له :سكتك صعبه وآخرتها وين
قال لهم: سكتي ماشيها وما هاستكين
قالواله : عمرك قضيتوا وانت السجين
قال لهم :عمرو وقضيتو مرفع لجبين
قالوله: احنا قطعنا ايدك يمـــــــــــين
قال لهم: روحي بتطلع ليها بحنين
قالوا له: أنت و جماعتك ازاي ماشيين
قال لهم :أحنا الرجاله ومش خايفين
قالوله :أحنا انتصرنا فين مرسي فين
قال لهم: صامد ورجالى وياي صامدين
قالوا له: رابعه ما هتبقى للمعتصمين
قال لهم: رابعه راح تبقى طول السنين
قالوا له: سيبك من دربك واحسبها زين
قال لهم: قاصد في مسيري رب العالمين
قالوا له :هتسجن من تاني جوه الزنازين
قل لهم: مرحب يا أهلا ربي المعين
قلواله : سنك ما هتسمـــح ولا الشرايين
قال لهم :قلبي بيطلب حسنى من الاتنين
قالوا له :الحسن هتسيبوا واخاتوا لمين
قال لهم :ربي ومولاي خير الحافظين
قالوا له: زوجتك هتسيبها والقلب حزين
قال لهم :زوجتي وعارفها من الصابرين
قالوا له :جماعتك تفتقدك يا نور العين
قال لهم : سايب جماعه م الفدائيين
قالوا له: سيرتك منسية واحنا الباقيين
قال لهم :سيرتى محفوظه للثوريين
قال لو: يتــــــحلم بخلافه للمسلمين
قال لهم: وعد المصطفي الهادي الأمين
قالوله :بتحلم بنصره للمظلومين
قال لهم :جايه من الله نصره وتمكين
قالوا له : بيتك هتسيبو باكي وحزين
قال لهم :في الجنات الفرحة للمحزونين