بقلم الشاعر
جمال المناخلي
حسيت بالصرخة ف جوف الليل
وليالي بتنزف هم وويل
وقمر مخنوق
وشمس عليها دايما غيم
……………
جربت تلملم خلجاتك
وإحتياجاتك
وحلم صغير كان فاتك
وحب وخبط على بابك
في جراب مخروم
حسبته في يوم بأمل
ملضوم
…………..
حلمت في يوم
تقوم م النوم
متشيلش ف يومك
أي هموم
تلاقي الهم
نصيب مقسوم
………….
خطرش في مرة
على بالك
تسعد حالك
وتلملم فتافيت
أحلامك
تلاقي الحلم خلاص
فاتك
…………….
إحتجت ف مرة لركن بعيد
تسمع حكاويك وتقول وتعيد
تدخل جواك
ترسمها خطاك
وتبدأ تاني بحلم جديد
